الدرس السابع : 이에요 , 예요

안녕하세요

진짜 죄송합니다  ㅜ.ㅜ

مررا آسفة T.T من زمآآن مآ نزلت دروس و كدآ بس ظروفي مآ كآنت تسمحلي 

و دحين رجعت من جديد و إن شاء الله مآ تكونو نسيتو الدروس اللي قبل

و آللي نسيو يرجعو يقرأوهآ و حيفتكرو

--

اليوم درسنآ عن 이에요 , 예요 آش هآدي !! و آش معنآهآ و متى نستخدمهآ !!

قبل مآ نتعرّف عليهآآ ف تويتر عملت درس ع شكل لعبة ع آلسريع كآن عن آسمآء آلآشآرة

ف حنرآجعو هنآ سرريع عشآن نقدر ندخل ف آلدرس

طيب ندخل ف درس اليوم

مثلاً قلت 이거 눈 * راجعوا الدرس السادس للبحث عن معنى 눈

طيب هنا أنا عملت إشارة لل 눈 بس ما قلت شيء عنها 

بمعنى تاني ما قلت إش أبغى منها هل مجرد بأعمل إشارة ! أو حقول معلومة أو إيش هدفي !!

لو حطيت معاها 이에요 أو 예요 في داكا الوقت حتكون مجرد تعريف يعني كأني بقولهم دا الشيء اسمو كدا

و دآ آلهدف  من دآ آلدرس إنو يعلمكم كيف تعرّفو عن الأشياء

نيجي لإستخدام 이에요 و  예요 كيف أقدر أحطها ف جملة !

هيآ بكل بسآطة تعتمد على حروف العلة و الحروف الساكنة * راجعوا الدرس الثاني للتعرّف على حروف العلة و الدرس الأول للتعرّف على الحروف الساكنة

نشوف آخر حرف ف الكلمة و نحدد أي وحدة نستخدم 

이에요 : تجي مع الحروف الساكنة 

  예요 : تجي مع حروف العلة

يعني مثلاً  이거 눈 آخر حرف كآن هوآ ㄴ يعني مو حرف علة بآلتآلي نستخدم 이에요

ف تسير الجملة 이거 눈 이에요 = هذه عين

طيب لو أبغى أسأل " هذه عين ؟ " إش أقول !!

مجرد إنكم تغيرو ف نبرة صوتكم لنفس الجملة لصيغة سؤال حتسير سؤال ^^

그거 물 이에요 ! هل ذاك ماء !

네  نعم

و بس أي سؤال إسألوني هنا أو على @KoreanInArabic

إن شاء الله يكون عجبكم ^^

الدرس السادس : لنتعلم بعض من الكلمات الكورية ^^

안녕하세요 ^^

فكرت قبل ما ندخل ع القواعد

يكون عندنا حصيلة من الكلمات ^^

عشان كدا حبدأ أنزّل دروس كلمات نستعملها في حياتنا اليومية

عشان نستفيد منها ^^

اليوم حتكون عن الجسم ^^

حنتعرّف على أعضاء جسمنا الخارجية بالكوري ^^

بسم الله نبدأ 

عندنا الأقسام الرئيسية في الجسم ( مو بشكل علمي ^^")

الرأس - اليد - البطن - الظهر - الرجل

رأس = 머리 = ميوري = meori

الرأس يحتوي على أعضاء برضو منها :

الشعر = 머리카락 = ميوري كَاراك = meorikarak

الذقن = 턱 = تُوك = teok

الوجه = 얼굴 = اولقول = eolgul

الوجه كمان بيحتوي على أعضاء منها :

العين = 눈 = نُوْنْ = nun

الأذن = 귀 = قِوِيْ = gwi

الأنف = 코 = كّو = ko

الفم = 입 = إِبْ = ip

العين و الفم أيضاً تحتوي على أعضاء منها :

أعضاء تحيط بالعين :

حواجب = 눈썹 = نُوْنْسُوْب = nunseop

رموش = 속눈썹 = سُوْقْ نُوْنْسُوْب = sognunseop

أعضاء داخل الفم أو تحيط به :

شوارب = 수염 = سُوْيوم = suyeom

شفائف = 입술 = إِبْسُوْل = ipsul

أسنان = 이 أو 이빨 = إِي أو إيبَال = ee أو ippal

لسان = 혀 = هِيُوْ = hyeo

لعاب = 침 = تشيم = chim

--------

كدا خلصنا من الرأس 

إن شاء الله الدرس الجي أكمّل الباقي

لأنو شفت أديتكم  كلمات كتير ف ما حبيت أزوّد كمان ^^

لو فيه أي سؤال تفضلو اسألو ^^

و لا تنسوا تتابعونا على تويتر ^^ 

@KoreanInArabic

--------

أرجو ذكر المصدر عند النقل =)

درسنا اليوم مو درس :p

السلام عليكم

اليوم ما حشرح شيء في اللغة

بس حعلّمكم كيف تنزّلو اللغة الكورية  أو الصينية أو اليابانية على جوالكم " البلاكبيري "

زي كدا

أول حاجا جيبو لاب =)

و أدخلو من هناا

http://swdownloads.blackberry.com/Downloads/contactFormPreload.do?code=A8BAA56554F96369AB93E4F3BB068C22&dl=A2C0D61EB187AB3AFD247A852FAD3647

سوو نفس اللي في الصورة تحت

بعدين آضغظو Download

حيجيكم save و run

آختآرو save

بعد ما يحمل حيطلعلكم open folder و run

آختآرو run

بعدين حيطلعلكم yes  و no

اختارو yes

حيحمل في ثواني و يطلعلكم كدا

آنآ آخترت آللغة آلآنجليزية ، فيه لغة عربية تقدرو تختآروهآ =)

بعدين تضغطو موافق حيمل حبتين بعدين حيطلع كدا

طبعاً لو آخترتو آللغة آلعربية حيطلع كلآم بآلعربي و آختآرو آلتآلي

و طبقو اللي في الصور تحت =)

بعد ما تضغطو install حيبدأ يحمّل لمن يخلص تحميل آضغطو Next

بعد كدا حيفتح معاكم البرنامج

فيه 3 مربعات كلها حطو فيها صح

و آضغطو get started

و حيفتح آلبرنآمج

آول شيء آلبرنآمج دآ مررة مهم لأي نفرة عندهآ بلآكبيري

منو تقدرو تحدّثو الإصدار تبع الجوال و تحذفو أو تضيفو برامج و تعمل باك أب سواء للمضافين عندكم

أو للصور و الموسيقى

و منو تقدرو تنزلو لغات

طيب نجي لكيف ننزل اللغة الكورية أو اليابانية أو الصينية

أول حاجا أشبكو البي بي حقكم في اللاب توب

حيطلع في جوالكم 3 اختيارات آختارو USB drive

بعدين دخلو كلمة السر حقتكم لو حاطين و في البرنامج حيطلعلكم إنكم تدخلوها كمان

دخلو الكلمة

بعدين حيطلعلكم كدا

آختآرو آول خيار و حطو فينيش

بعدين حيطلع آعدآدآت معينة آنتو نسقوهآ بكيفكم آو آختآرو فينيش على طول

طيب بعدين

انتبببببببببببهو مكتوب korean  مرتين آنتو لآزم احملو آلآتنين

حيكون جنبو وعلامة + مش x

بس هنآ محطوط x  لآني آنآ ضغطت عليه

تقدرو تحملو أي لغة تبغوها بمجر إنكم تضغطو على علامة +

بعدين أضغطو Apply

و صلى الله و سلم و بارك =)

مبررروك عليكم اللغات في جوالكم هع

لا أحلل النقل بدون ذكر المصدر =)

الدرس الخامس : قواعد قراءة الكلمات الكورية

السسلام عليكم 

درسنا اليوم عن قواعد القراءة

حتقولو اشبها المجنونة مو كأنو درسناه من قبل !!!  

كككك لا ما درسناه آحنآ درسنا كيف تقرأو الحروف بس مو الكلمات

الفرق إنو لمن تشوفو حرف حتعرفو بس فيه بعض الكلمات يتغير نطق الحرف

أول حاجة نعمل مراجعة سريعة ع الحروف

هذي الفيديوهات حتساعدكم إن شاء الله

http://www.youtube.com/watch?v=djB05a4ntQ4

http://www.youtube.com/watch?v=zyArta29M3I&feature=relmfu

طيب نجي للكلمات

عندنا 5 قواعد سهلة و جميلة و بسيطة  

القاعدة الأولى :

لمن يجي في بداية الكلمة حرف  ᄋ في بداية الكلمة زي  안녕

حيكون ساكن و أعتقد ذكرت هالقاعدة في الدروس اللي راحت

شوفتو !! سهلة آن شآء آلله

القاعدة الثانية :

قاعدة الحرف الأخير من الأجزاء -> آسم من مخخي ترى 

المهم من اسمها تعتمد على الحرف الأخير يعني زي 먹다

عندنا في أول جزء آخر حرف هوا ᄀ

هنا ما ننطقو " ما بين القاف و الكاف "  ، ننطقو ك

فهمتو عليا ؟ يعني نطقها حيكون موكدا بدال موكقدا

أصلاً لمن تنطقوها ميددا حتلآقو صعوبة شويآ =)

كل الحروف تنطبق عليها دي القاعدة ما عداᄎ،ᄌ،ᄉ

لهم قاعدة خاصة 

먹다  = للأكل ، لتناول الطعام = to eat

القاعدة الثالثة :

 قاعدة  ᄎ،ᄌ،ᄉ

لمن تجي في آخر الجزء تنطق ت يعني زي 맛

زي ما درسنا أول أنو ᄉ= س

بس هنا يختلف الوضع يعني بدال ما ننطقها ماس حننطقها مات

و معناها طعم أو نكهة

فجأة حآسة بجججوع خخخخ

القاعدة الرابعة :

عن حرف ال  ᄉ

لو جا في بداية الجزء ينطق ش  لو كان حرف العلة اللي وراه كسر زي مثلا 신발

حتتقرأ شينبال لأنو حرف العلة هوا  ᅵ و نطقو زي الكسرة 

و معناها جزمة " أكرمكم الله " 

بس لو مثلاً  사다리 تتنطق ساداري لأنو حرف العلة فتحة 

و معناها سُلّم

برضو لو جا بعدو أحد دي الحروف حيتنطق شㅑㅛㅠㅕ

القاعدة الخامسة  " ركزو معآيآ حبتين هآ ! "  

تتكلم برضو عن حرف   ᄋ  بس عن إنو يكون في الجزء الثاني من الكلمة زي  맛있어요

هنا حرف ال  ᄋ في الجزء الثاني من الكلمة و بما إنو أول حرف في الجزء الثاني يعني ما حينطق

بس اش الفرق ؟ إنو جزء  맛 حيسير يتنطق ماس 

كيف كدا ؟

شوفو دي القاعدة تربط قاعدتين " القاعدة الأولى و الثالثة  و الرابعة "

بس تربطها بطريقة غير نوعاً ما 

يعني القاعدة الأولى تطبق عاااادي و ما ننطق ال  ᄋ بس ننطق ال ᄉ

بما انو بعدو حرف  ᄋ لأنو ما ينطق

بمعنى آخر حيتنقل حرف   ᄉ مكان حرف   ᄋ في النطططق 

و حيكون أول حرف في الجزء  و بعدو كسرة يعني ينطق ش 

حيسير نطق الكلمة ماشيسويو  =  لذيذ

لا أحلل النقل بدون ذكر المصدر =)

الدرس الرابع : ...

السلام عليكم

안녕하세요 여러분

كيفكم !! وحشتكم أدري XD

أول حآجة فكرت ف ألف فكرة عن دآ آلدرس

قلت أعمل أكثر جمل مستعملة بعدين قلت ما حينفع

لأنو لسآ مآ يعرفو تركيب آلجمل و حيتلخبطو

فكرت أعمل كويز بس قلت لآ حيكون سهل لأنو بس حروف :p

عشان كدا قلت حبدأ في القاعدات و حمشي على كتاب اشتريتو من جرير ب89 ريال

بس صراحة ما أعرف كم سعرو في المكاتب الثانية

سبب اختياري للكتاب هوا إنو بيقدّم المعلومة بأبسط طريقة و معاه سي دي

في السي دي فيديو و اوديو ، جدددددداً مففيد

و السبب الثاني إنو أكثر المعاهد اللي بتعلّم كوري في كوريا بتنصح بيه للمبتدئين قبل ما يروحولهم

دي صورة الكتاب للي حابين يشتروه 

و اللي مو حابين مو لازم لأنو إن شاء الله كل شيء موجود فيه حشرحو

بس للإستزادة يعني.

أنا حترجمو لأنو بالإنجليش و ححاول أبسّط المعلومة اكثر منو XD

بس هوا دا =)

أشوفكم ف أول درس من الكتاب إن شاء الله =)

الدرس الثالث : كيفية قراءة الكلمات الكورية =)

الدرس الثالث : كيفية قراءة الكلمات الكورية =)

السلام عليكم ~



بداية أعتذر عن تأخر الدرس
سأشرح اليوم كيفية قراءة الكلمة الكورية 
" سوري حتكلم عامّي "
أول حاجة اللغة الكورية زي الإنجليش من اليسار لليمين
طبعن عندنا الكلمة الكورية تتقسم لكذا جزء حسب النطق
مثال : أحمد
لمن نقرأ اسم أحمد بنفصلو جزئين أح مد
في الكورية يفصلو حتى في الكتابة
يسير اسمو 앟멛
أول جزء  앟 = أح
ثاني جزء   멛 = مد
طيب بما إنو وصلت الفكرة حتكلم عن كيف نقرأ كلمة معروفة عند الكل
هيا مرحباً = 안녕하세요 
نبدأ بأول مقطع  안
حشرحو بالأرقام اللي في الصورة تحت عشان يسهل 

طيب في القراءة حنمشي على الترتيب اللي في الصورة دائماً و أبداً
1 : محطوط حرف ال نق ، احنا قلنا في الدرس اللي فات إنو لمن يجي في بداية الكلمة أو قبل حرف العلة ما ينطق
إذن حيكون هنا ساكن
2: حرف ال أَ 
3 : حرف ال ن 
سار أول جزء أَنْ 


الجزء اللي بعدو حنمشي بنفس الطريقة  녕
1 : حرف ال ن
2: حرف العلة يُو yeo
3: حرف ال نق هنا يختلف و يسير ينطق نق لأنو جاء في نهاية الجزء
سار الجزء الثاني نيونق


الجزء الأول و الثاني سوى = أنيونق


الملاحظة هنا إنو حذفت ال ن الثاني !
طيب لمن تنطق الكلمة أنيونق بنحط شدة خفيفة على ال ن الأولى ف ما تظهر ال ن الثانية عشان كذا حذفتها.


*" أنيونق "=  안녕 = مرحبا بطريقة محببة يعني للأصحاب للناس اللي مرة قريبين منكم تقولوها
" بالأصح اللي مطيحين معاهم الميانة "


لو كملنا الكلمة حيكون بنفس الطريقة
* الكلمة كاملة " أنيونق ها سي يو " = 안녕하세요  = مرحباً بطريقة مهذبة للناس اللي أكبر منك أو أول مرة تشووهمم أو ما بينكم و بينهم إلا سلام و من بعيد و طبعاً أهلك 


-------------


انتهى الدرس و إن شاء الله تكونو فهمتو معايا لو في أي سؤال حطوه في الكومنتز تحت و حرد عليه إن شاء الله
هذا موقع للي ما عندهم كيبورد كوري تقدر تطبقو فيه أسماءكم و توروني =)


http://www.wandel.person.dk/korean.html


كمان هذي صورة لقيتها للي ما حفظو و اللي قالو انو صعب يفتحو الموقع كل شويا و يشوفو الحروف
مجموعة في صورة وحدة =)

أتمنى تكونو استفدتو و " فهمتو " لأنو بعد كذا حكتب الكلمات بالكوري بدون ما أكتب كيف تتقرأ بالعربي
حيكون الدرس القادم تطبيق على بعض الكلمات الكورية المستخدمة يومياً =)


ملآحظة : خلاصة الدرس حتلاقوها ملونة أو كبيرة عشان ترجعولها من وقت لوقت بدون ما تقرأوه كامل =)




أرجو عدم النقل دون ذكر المصدر =)

تابع الدرس الثاني : حروف اللغة الكورية و كيفية نطقها " حروف العلة " =)

تابع الدرس الثاني : حروف اللغة الكورية و كيفية نطقها " حروف العلة " =)

 

حروف العلة الكورية تنقسم إلى قسمين مثل الحروف الساكنة

ألا و هي حروف العلة الرئيسية و الغير رئيسية

تتكون حروف العلة الرئيسية من 10 حروف

و الغير رئيسية من 11 حرفاً

حروف العلة الكورية أسهل من الحروف الساكنة

و ذلك بسبب أنه لا يوجد لها نطق عام

 قاعدة حروف العلة الكورية :

هناك قاعدة تميز هذه الحروف و هي وضع حرف ال إي يونق ㅇ

قبلها و يكون حرفاً ساكناً لا ينطق إن أتت هذه الحروف في بداية الكلمة

مثل اسم " أمين " حرف العلة ال أ في بداية الكلمة إذاً يكتب هكذا 아민

هناك حرف ال إي يونق في بداية الكلمة

أما إن كان في وسطها أو نهايتها ف لا يكتب حرف ال إي يونق قبل حرف العلة

مثل الاسم " سارة " يكتب هكذا 사라

 * قاعدة القراءة و النطق سأشرحها بشكل مفصل في الدرس القادم *

---

حروف العلة الكورية الأساسية " 10 " حروف

아

نطقه " a " آ أو أَ

야

نطقه " ya " يا

     

ملاحظة : إن حرف الـ أَ و الـ يا هما نفس الحرف في الكتابة بزيادة شرطة في الجنب

و هكذا جميع حروف العلة الكورية حيث إن كانت شرطتين نضيف " y " "ي " للحرف

어

نطقه "eo " إِيُوْ 

여

نطقه " yeo " يُّوْ

오

 نطقه " o " أُو

 

요

نطقه " yo " يَو 

우

نطقه " u " ايُو "

유

نطقه " yu " يُو

이

نطقه " ee " أو " i " إِي

으

نطقه " eu " إِيَو

-----

الحروف الكورية الغير أساسية " 11 " حرفاً

애

 نطقه " ae "  أَي

مثل نطقه في كلمة " إيش " بالعامية السعودية

얘

نطقه " yae " يَي

 * مثل الحرف الذي قبله و لكن بإضافة y ي

에

نطقه " e " إِي

예

نطقه " ye " يِي

와

كما نلاحظ بأنه عبارة عن الحرفين 오 و 아

بما أن الحرف 오 أتى بعده مباشرة ㅏ

ف إن النطق يدمج بدلاً من أن تكون قراءتها o a تصبح وَا wa

왜

نفس الملاحظة هنا ، عبارة عن 오 و 애

بما أنها أتت مباشرة بعدها إذن تنطق وَيي wae

외

عبارة عن 오 و 이

تنطق ك woe وِّي

워

عبارة عن 우 و 어

تنطق ك وُو weo

웨

 عبارة عن 우 و 에

تنطق ك we  وِي

위

 عبارة عن 우 و 이

تنطق ك وِيي wi

의

عبارة عن 으 و 이 

تنطق ك oui أُوِيْ     

-----------------

http://www.indiana.edu/~koreanrs/hangul.html

هذا الموقع لسماع نطق الأحرف الكورية الساكنة و العلة

بعض مفردات الموقع :

consonants : الساكنة " يوجد بها الساكنة الأساسية و الغير أساسية "

basic vowels : حروف العلة الأساسية

complex vowels : حروف العلة المركبة " الغير أساسية "

أرجو عدم النقل دون ذكر المصدر =)